హైదరాబాద్, జూలై 12 (మీకోసం న్యూస్): అక్కినేని అఖిల్ హీరోగా నటించిన తాజా చిత్రం 'లెనిన్' బాక్సాఫీస్ వద్ద విజయవంతంగా దూసుకుపోతోంది. విడుదలైన కేవలం రెండు రోజుల్లోనే ప్రపంచవ్యాప్తంగా రూ.37.2 కోట్ల గ్రాస్ వసూలు చేసినట్లు చిత్ర నిర్మాణ సంస్థ అధికారికంగా ప్రకటించింది.
గ్రామీణ నేపథ్యంలో రూపొందిన ఈ మాస్ యాక్షన్ ఎంటర్టైనర్కు ప్రేక్షకుల నుంచి మంచి ఆదరణ లభిస్తోంది. ముఖ్యంగా అఖిల్ నటన, యాక్షన్ సన్నివేశాలు, దర్శకుడు మురళీ కిషోర్ అబ్బూరి తెరకెక్కించిన తీరు ప్రేక్షకులను ఆకట్టుకుంటున్నాయి. పాజిటివ్ మౌత్ టాక్తో సినిమా వసూళ్లు రోజురోజుకూ పెరుగుతున్నాయని ట్రేడ్ వర్గాలు చెబుతున్నాయి.
అఖిల్ సరసన భాగ్యశ్రీ బోర్సే హీరోయిన్గా నటించిన ఈ చిత్రాన్ని సితార ఎంటర్టైన్మెంట్స్, అన్నపూర్ణ స్టూడియోస్, మనం ఎంటర్ప్రైజెస్ సంయుక్తంగా నిర్మించాయి. ఎస్.ఎస్. తమన్ అందించిన సంగీతం సినిమాకు మరో ప్రధాన ఆకర్షణగా నిలిచింది.
వీకెండ్ ముగిసే నాటికి 'లెనిన్' వసూళ్లు మరింత పెరిగే అవకాశముందని సినీ ట్రేడ్ నిపుణులు అంచనా వేస్తున్నారు. చాలా కాలం తర్వాత అఖిల్కు మంచి కమర్షియల్ హిట్ లభించడంతో అభిమానులు ఆనందం వ్యక్తం చేస్తున్నారు.
0 కామెంట్లు