వివాహ వేడుకలో సాయి ప్రతిమ ఎరుపు రంగు పట్టుచీర, సంప్రదాయ ఆభరణాలతో ఎంతో అందంగా కనిపించారు. ప్రిన్స్ ఐవరీ రంగు ప్రింటెడ్ పైజామాలో సందడి చేశారు. పెళ్లికి సంబంధించిన ఫొటోలను సోషల్ మీడియాలో షేర్ చేయడంతో అవి వైరల్గా మారాయి. నూతన జంటకు సినీ ప్రముఖులు, అభిమానులు, నెటిజన్లు శుభాకాంక్షలు తెలియజేస్తున్నారు.
స్నేహం నుంచి ప్రేమగా..
ప్రిన్స్, సాయి ప్రతిమల పరిచయం ఓ వివాహ వేడుకలో జరిగింది. నటుడు ప్రియదర్శి ద్వారా ఏర్పడిన కామన్ ఫ్రెండ్ కారణంగా వీరిద్దరూ తొలిసారి కలుసుకున్నట్లు తెలుస్తోంది. ఆ పరిచయం క్రమంగా స్నేహంగా మారింది. అనంతరం ఇద్దరి మధ్య ప్రేమ చిగురించి.. చివరకు పెళ్లి బంధంతో ఒక్కటయ్యారు.
సినిమాలతో ప్రత్యేక గుర్తింపు
‘నీకు నాకు డ్యాష్ డ్యాష్’ చిత్రంతో హీరోగా సినీ రంగంలోకి వచ్చిన ప్రిన్స్ సెసిల్.. ‘బస్ స్టాప్’ సినిమాతో యువతలో మంచి గుర్తింపు తెచ్చుకున్నారు. అనంతరం ‘బిగ్ బాస్ తెలుగు’ తొలి సీజన్లో పాల్గొని బుల్లితెర ప్రేక్షకులకు కూడా చేరువయ్యారు.
ఆ తర్వాత పలు సినిమాల్లో విభిన్నమైన పాత్రలు పోషిస్తూ నటుడిగా తనదైన గుర్తింపు సంపాదించుకున్నారు. ‘డీజే టిల్లు’, ‘స్కంద’ వంటి చిత్రాల్లోనూ కీలక పాత్రల్లో కనిపించారు. ప్రస్తుతం మరికొన్ని ప్రాజెక్టులతో ప్రిన్స్ బిజీగా ఉన్నారు.
న్యూజిలాండ్లో జరిగిన ఈ అందమైన వివాహంతో కొత్త జీవితాన్ని ప్రారంభించిన ప్రిన్స్ సెసిల్, సాయి ప్రతిమలకు అభిమానులు పెద్ద ఎత్తున శుభాకాంక్షలు తెలియజేస్తున్నారు.
0 కామెంట్లు