ఆరోగ్య బాధితులకు సీఎం రిలీఫ్ చెక్కులు

రూ.83.34 లక్షల ఆర్థిక సాయం పంపిణీ చేసిన ఎమ్మెల్యే శ్రావణి శ్రీ

శింగనమల, జూలై 19 (మీకోసం న్యూస్): ఆరోగ్య సమస్యలతో ఆర్థిక ఇబ్బందులు ఎదుర్కొంటున్న అర్హులైన లబ్ధిదారులకు ముఖ్యమంత్రి సహాయనిధి (సీఎంఆర్ఎఫ్) ద్వారా మంజూరైన రూ.83,34,683 విలువైన చెక్కులను శింగనమల ఎమ్మెల్యే బండారు శ్రావణి శ్రీ ఆదివారం తన క్యాంపు కార్యాలయంలో పంపిణీ చేశారు.

ఈ సందర్భంగా ఎమ్మెల్యే మాట్లాడుతూ, ప్రజలు అనారోగ్య చికిత్స కోసం అప్పుల పాలవకుండా ముఖ్యమంత్రి నారా చంద్రబాబు నాయుడు ఆధ్వర్యంలో సీఎం రిలీఫ్ ఫండ్ ద్వారా ఆర్థిక సాయం అందించడం అభినందనీయమని అన్నారు. ఈ పథకం ద్వారా ఎన్నో పేద కుటుంబాలకు అండ లభిస్తోందని పేర్కొన్నారు.

చెక్కులు స్వీకరించేందుకు క్యాంపు కార్యాలయానికి వచ్చిన లబ్ధిదారులకు భోజన వసతి ఏర్పాటు చేసి, ఎమ్మెల్యే స్వయంగా వడ్డించి ఆతిథ్యం అందించారు. కార్యక్రమంలో పార్టీ నాయకులు, అధికారులు, లబ్ధిదారులు పాల్గొన్నారు.