ముంబయి, జూలై 12 (మీకోసం న్యూస్): ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఆదివారం ముంబయిలోని కోకిలాబెన్ ధీరూభాయ్ అంబానీ ఆసుపత్రికి వెళ్లి ఉప ముఖ్యమంత్రి పవన్ కల్యాణ్ను పరామర్శించారు. ఇటీవల కుడి భుజానికి శస్త్రచికిత్స చేయించుకున్న పవన్ను కలిసి ఆరోగ్య పరిస్థితిని అడిగి తెలుసుకున్నారు. వైద్యులను కలిసి చికిత్స వివరాలను తెలుసుకుని, త్వరగా కోలుకోవాలని ఆకాంక్షించారు.
చాలాకాలంగా భుజం నొప్పితో బాధపడుతున్న పవన్ కల్యాణ్కు సినిమా షూటింగ్ల సమయంలో ఏర్పడిన పాత గాయాల ప్రభావంతో సమస్య తీవ్రతరం కావడంతో వైద్యుల సూచన మేరకు శస్త్రచికిత్స చేయించుకున్నారు. ఎన్నికల ప్రచార సమయంలో కూడా నొప్పిని భరిస్తూనే కూటమి తరఫున విస్తృతంగా ప్రచారం నిర్వహించిన విషయం తెలిసిందే.
ముంబయిలోని కోకిలాబెన్ ఆసుపత్రిలో వైద్యుల బృందం సుమారు మూడున్నర గంటల పాటు శస్త్రచికిత్స నిర్వహించి విజయవంతంగా పూర్తి చేసింది. ఇటీవలే సైనస్ సమస్యకు కూడా పవన్ శస్త్రచికిత్స చేయించుకోగా, తాజాగా భుజం ఆపరేషన్ అనంతరం వైద్యుల పర్యవేక్షణలో కోలుకుంటున్నారు.
– మీకోసం న్యూస్
0 కామెంట్లు