సోమందేపల్లి మండలం మంచేపల్లి, జూలై 2(మీకోసం న్యూస్) : గ్రామీణ ప్రాంతాల అభివృద్ధి, ఉపాధి అవకాశాల విస్తరణ లక్ష్యంగా కేంద్ర ప్రభుత్వం ప్రవేశపెట్టిన VB-GRAMG (వికసిత్ భారత్ – గ్రామీణ్ ఉపాధి & జీవనోపాధి హామీ మిషన్) పథకాన్ని మంచేపల్లి గ్రామంలో ఘనంగా ప్రారంభించారు.
ఈ కార్యక్రమంలో అధికారులు, ప్రజాప్రతినిధులు, గ్రామస్తులు పాల్గొన్నారు. పథకం ద్వారా గ్రామీణ కుటుంబాలకు ఉపాధి అవకాశాలు కల్పించడం, మౌలిక వసతుల అభివృద్ధి, మహిళా స్వయం సహాయక సంఘాలకు ప్రోత్సాహం, గ్రామాల్లో స్థిరమైన అభివృద్ధి పనులు చేపట్టడం ప్రధాన లక్ష్యాలుగా ప్రభుత్వం పేర్కొంది.
కార్యక్రమంలో అధికారులు మాట్లాడుతూ, అర్హులైన ప్రతి గ్రామీణ కుటుంబం ఈ పథకం ప్రయోజనాలను సద్వినియోగం చేసుకోవాలని కోరారు. గ్రామాభివృద్ధికి ప్రజల భాగస్వామ్యం ఎంతో కీలకమని వారు తెలిపారు.
ఈ పథకం అమలుతో గ్రామీణ ప్రాంతాల్లో ఉపాధి అవకాశాలు పెరగడంతో పాటు, అభివృద్ధి పనులు మరింత వేగవంతం అవుతాయని అధికారులు ఆశాభావం వ్యక్తం చేశారు.
0 కామెంట్లు